ເປັນຫຍັງຈຶ່ງຢາກມາຮ່ວມນຳພວກເຮົາ

ຢູ່​ໃນ​ທີ່​ທີ່​ທ່ານ​ຢາກ​ຢູ່
ພວກ​ເຮົາ​ຮັບ​ຮູ້​ວ່າ ບັນດາບໍລິສັດ​ທີ່​ຍິ່ງ​ໃຫຍ່ ​ແມ່ນ​ກ່ຽວ​ກັບມີ​ຄົນ​ທີ່​ດີ​ເລີດ ​ແລະ ​ດັ່ງ​ທີ່​ເປັນ​ສ່ວນ​ໜຶ່ງ​ຂອງ​ວິ​ໃສ​ທັດ​ຂອງ​ພວກ​ເຮົາ​ທີ່​ຈະ​ກາຍ​ເປັນ ຜູ້​ຈ້າງ​ງານທີ່​ເປັນ​ທາງ​ເລືອກ​ໃນ​ລາວ, ພວກ​ເຮົາຕັ້ງ​ໃຈ​ທີ່​ຈະ​​ດຶງ​ດູດ​ເອົາ ​ແລະ ຝຶກ​ອົບຮົມ ​​ໃຫ້ຜູ້​ທີ່​ມີ​ພອນ​ສະຫວັນ​ທີ່​ສຸດ.
ນັ້ນ​ໝາຍ​ເຖິງ ຄົນ​ທີ່​ບໍ່​ຢ້ານ​ທີ່​ຈະ​ຕັດສິນ​ໃຈທີ່​ທ້າ​ທາຍ. ນັກ​ຄິດ​ທີ່ສ້າງສັນ ​ເຊິ່ງສາມາດ​ຊ່ວຍ​ໃຫ້​ພວກ​ເຮົາ​ຮັບ​ເອົາ​ຄວາມ​ຫລາກ​ຫລາຍ, ພົບ​ກັບ​ຄວາມ​ທ້າ​ທາຍ​ຂອງ​ການ​ປ່ຽນ​ແປງ​ໂດຍ​ກົງ ​ແລະ ສິ່ງ​ທີ່​ສຳຄັນ​ທີ່​ສຸດ ​ແມ່ນ​ຮັບປະກັນ​ວ່າ​ພວກ​ເຮົາສືບ​ຕໍ່​ການ​ເດີນທາງ​ຂອງ​ພວກ​ເຮົາ​ ​ໄປ​ຕາມຈຸດ​ມຸ້ງ​ໝາຍ ຂອງ​ການ​ເປັນທະນາຄານ​ທີ່​​ແມ່ນທາງ​ເລືອກຂອງ​ທ່ານ.
ການ​ຮຽນ​ຮູ້ ​ແລະ ການ​ພັດທະນາ
ພວກ​ເຮົາ​ຕ້ອງການ​​ໃຫ້​ທ່ານ ​ເຕີບ​ໂຕ, ພັດທະນາ ​ແລະ ຮຽນ​ຮູ້​ກັບທະນາຄານ​ເອ​ເອັນ​ແຊັດ​ ວຽງ​ຈັນ​ພານິດ ຈຳກັດ. ຍ້ອນ​ແນວ​ນັ້ນ, ພວກ​​ເຮົາ​ຈັດຝຶກ​ອົບຮົມ​​ແບບ​ໃໝ່ ​ແລະ ພັດທະນາ​ທາງ​ແກ້​ໄຂ ທີ່​ອອກ​ແບບ​ໃຫ້​​ໄດ້​ຕາມ​ຄວາມ​ຕ້ອງການ​ຂອງ​ທ່ານ ​ແລະ ​ອົງການ​ຂອງ​ທ່ານ. ທະນາ​ຄານ​ ​ເອ​ເອັນ​ແຊັດ ວຽງ​ຈັນ​ພານິດ ຈຳກັດ ຮັບ​ຮູ້​ວ່າ ຄວາມ​ໄດ້​ປຽບ​ແບບ​ແຂ່ງຂັນ ​ແມ່ນ​ຂຶ້ນກັບ​ການ​ພັດທະນາ​ຢ່າງ​ຕໍ່​ເນື່ອງ​ຂອງ​ພະນັກງານ​ພວກ​ເຮົາ. ທ່ານ​ຈະ​ຖືກ​ຝຶກ​ອົບຮົມສຳລັບ​ໜ້າ​ທີ່​ ທີ່​ທ່ານ​ໄດ້​ຮັບ ​ໃນ​ຂະນະ​ດຽວ​ກັນ ກໍ່​ຖືກ​ພັດທະນາ​ເພື່ອ​ອະນາຄົດ. ​ແຜນ​ງານ​ຂອງ​ພວກ​ເຮົາ ມີ​ຈຸດ​ສຸມ​ທີ່​ສະ​ເໝີ​ຕົ້ນ​ສະ​ເໝີ​ປາຍ ກ່ຽວ​ກັບ​ອາຊີບ ​ແລະ ການ​ພັດທະນາ​ຂອງ​ຄົນ ລວມທັງ​ການ​​ໂອກາດ​ໃນ​ການຮຽນ​ທາງ​ໄກ ​ແລະ ການ​ໄປ​ເຮັດ​ວຽກຢູ່​ບ່ອນ​ອື່ນ​ໃນ​ໄລຍະ​ສັ້ນ.
ໃນຖານະທີ່ເປັນບໍລິສັດຍັກໃຫຍ່ ແລະ ປະສົບຜົນສຳເລັດໃນປະເທດອົດສະຕາລີ, ຄຸນຄ່າຂອງເອເອັນແຊັດແມ່ນຢາກຈະຊ່ວຍສົ່ງເສີມອາຄົດຂອງທຸລະກິດ, ຜູ້ຮ່ວມທຶນ, ພະນັກງານ, ລູກຄ້າ ແລະ ຊຸມຊົນ. ທຸລະກິດຂອງພວກເຮົາໄດ້ໃຫ້ບໍລິການແກ່ລູກຄ້າຫລາຍ ກວ່າ 6 ລ້ານລູກຄ້າ ແລະ ສ້າງລາຍໄດ້ເຖິງ 347 ພັນລ້ານ ໂດລາສະຫະລັດ. ເອເອັນແຊັດໄດ້ຈ້າງພະນັກງານ ຫລາຍກວ່າ 30,000ຄົນ ແລະ ນີ້ສະແດງໃຫ້ເຫັນເຖິງຕະຫລາດຂັ້ນພື້ນຖານ ຂອງ ອົດສະຕາລີ ແລະ ນິວຊີແລນ ລວມເຖິງ ອາຊີປາຊີຟິກ, ປະເທດອັງກິດ, ເອີຣົບ ແລະ ສະຫະລັດອາເມລິກາ
ຄວາມ​ກ້າວໜ້າ ​ແລະ ຄວາມ​ທ້າ​ທາຍ
ຄວາມ​ກ້າວໜ້າ ​ແລະ ຄວາມ​ທ້າ​ທາຍ ພວກ​ເຮົາ​ບໍ່​ຄາດ​ຫວັງ​ ວ່າ ທຸລະ​ກິດ​ຂອງ​ພວກ​ ເຮົາຈະ​ຢຸດ​ຢູ່​ກັບ​ທີ່ ​ແລະ ​ໄປ​ທາງ​ດຽວ​ສຳລັບ​ພະນັກງານ​ຂອງ​ພວກ​ເຮົາ. ທ່ານ​ສະ​ແດງ​ໃຫ້​ພວກ​ ເຮົາ​ເຫັນ​ເຖິງ​ຄວາມ​ ມຸ້ງ​ໝັ້ນ​ຕັ້ງ​ໃຈ​ຂອງ​ທ່ານ ​ແລະ ຄວາມອາດ​ສາມາດ​ທີ່​ບົ່ມ​ຊ້ອນ ​ເພື່ອ​ຊ່ວຍ​ໃຫ້​ພວກ​ເຮົາ​ ໄດ້​ຕາມ​ຈຸດປະສົງ​ຍຸດ​ທະ​ສາດ ​ແລະ ພວກ​ເຮົາ​ຈະ​ເປີດ​ໂອກາດ​ໃຫ້​ແກ່​ທ່ານ ​ເພື່ອ​ປະສົບ​ຜົນ​ສຳ​ເລັດ​ ໃນ​ເປົ້າ​ ໝາຍ​ໃນ​ ອາຊີບ​ວຽກ​ງານ​ຂອງ​ທ່ານ. ໂດຍ​ທຳ​ມະ​ຊາດ​ຂອງ​ທຸລະ​ກິດ ທະນາຄານ​ ​ເອ​ເອັນ​ແຊັດ ວຽງ​ຈັນ​ພານິດ ຈຳກັດ ​ແມ່ນ​ໃຫ້​ຄວາມ​ທ້າ​ທາຍ. ພວກ​ເຮົາ​ຈະສືບ​ຕໍ່​ຍົກ​ລະດັບ​ຄາດໝາຍ, ຊຸກຍູ້​ການ​ປະກອບ​ຄຳຄິດ​ຄຳ​ເຫັນ, ການ​ໂຕ້​ວາທີ ​ແລະ ​ແນວ​ຄວາມ​ຄິດ ​ສ້າງສັນ. ພວກ​ເຮົາ​ບໍ່​ເຄີຍ​ຕີ​ລາຄາ​ຕ່ຳ​ ພະລັງ​ຂອງ​​ແນວ ຄວາມ​ຄິດ​ລິ​ເລີ່​ມ ​ແລະ ພວກ​ເຮົາ​ຈະ​ໃຫ້​​ທຸກໆໂອກາດ​ແກ່ທ່ານ ​ເພື່ອ​ຜັນ​ຂະຫຍາຍ ​ແລະ ຈັດ​ຕັ້ງປະຕິບັດ ຄວາມ​ຄິດ​ຂອງ​ທ່ານ​ເອງ. ​ອີ​ກຢ່າງໜຶ່ງ ​ມັນແມ່ນ​ໂອກາດ​ຂອງ​ທ່ານ ​ເພື່ອ​ສ້າງ​ຄວາມ​ແຕກ​ຕ່າງ​ທີ່​ສະຫລາດ​ຫລັກ​ແຫລມ ​ໃຫ້​ແກ່​ທຸລະ​ກິດ​ຂອງ​ພວກ​ເຮົາ ​ແລະ ​ແກ່​ອາຊີບ​ຂອງ​ທ່ານ
ລາງວັນ ​ແລະ ການ​ຮັບ​ຮູ້
ຢູ່​ທີ່​ທະນາຄານ​ ​ເອ​ເອັນ​ແຊັດ ວຽງ​ຈັນ​ພານິດ ຈຳກັດ, ພະນັກງານ​ຂອງ​ພວກ​ເຮົາ ​ແມ່ນ​ຖືກ​ໃຫ້​ລາງວັນ ສຳລັບ​ການ​ປະ​ພືດ​ດີ, ມີຄວາມຕັ້ງ​ໃຈ ​ແລະ ຄວາມມັກ​ທີ່​ແທ້​ຈິງ​ໃນ​ທຸລະກິດ​ຂອງ​ພວກ​ເຮົາ ​ແລະ ຜົນ​​ງານ ທີ່​ພວກ​ເຂົາ​​ໄດ້​​ເຮັດສຳ​ເລັດ. ພວກ​ເຮົາ​ໃຫ້​​ເງິນ​ເດືອນ ​ແລະ ຜົນ​ປະ​ໂຫຍ​ດ ທີ່​ໜ້າ​ດຶງ​ດູດ​ໃຈ ​ແລະ ​ທີ່​ແຂ່ງຂັນ​ໃນ​ຕະຫລາດ.
ພວກ​ເຮົາ​ໃຫ້​ຄວາມ​ສຳຄັນ​ແກ່​ພະລັງງານ, ຄວາມ​ຕັ້ງ​ໃຈ ​ແລະ ຄວາມ​ມັກ​ທີ່​ແທ້​ຈິງ, ຄວາມ​ສັດ​ຊື່, ຄວາມ​ຕັ້ງ​ໃຈ​ໃນ​ການ​ເຮັດ​ວຽກ​ທີ່​ມີ​ຄວາມ​ສ່ຽງ ​ແລະ ການ​ຄິດ​ທີ່​ແຕກ​ຕ່າງ. ພວກ​ເຮົາ​ໃຫ້​ຄວາມ​ສຳຄັນ​ແກ່​ແນວ ຄວາມ​ຄິດ ​ແລະ ການ​ປະກອບສ່ວນ, ​ແຕ່​ສິ່ງ​ສຳຄັນ ​ແມ່ນ​ພວກ​ເຮົາ ​​ໃຫ້​ຄວາມ​ສຳຄັນ​ສູງ ​ກ່ຽວ​ກັບ ຄວາມ​ຫລາກ​ຫລາຍ ​ແລະ ມັນ​ໄດ້​ກາຍ​ເປັນ​ກຳລັງ​ຂັບ​ເຄື່ອນ​ຕົ້ນຕໍ ທີ່ຢູ່​ເບື້ອງ​ຫລັງ ການ​ດຳ​ເນີນ​ທຸລະ​ກິດ​ຂອງ​ພວກ​ເຮົາ​ໃນ​ທຸກ​ລະດັບ​ໃນ​ອົງການ​ຈັດ​ຕັ້ງ.